[湊B日記] 回憶 - 難忘的269天孕期
回想起未做人母的我, 我其實係好唔鍾意小朋友, 我覺得佢地好麻煩, 總之老公想同我有自己ge BB我都好唔想
,
會搵好多藉口,
例如:
結婚時同銀行借貸,
還完債大家嘆返2年先計劃啦/
生完邊個湊喎/
我仲後生,
唔駛咁急
。
,
會搵好多藉口,
例如:
結婚時同銀行借貸,
還完債大家嘆返2年先計劃啦/
生完邊個湊喎/
我仲後生,
唔駛咁急。
雖然一心唔想生, 但係其實數下手指, 好快好快我都會奔3, 所以其實都要計劃一下…但生BB之前, 我都覺得自己應該幾潺, M期又成日都唔準…見公司有得睇完醫生可以拎返張單返去Claim, 所以我就試下去公司中醫到調理一下先啦~咁醫師話我又未至於就黎死o個隻~咁調理左3個月, 其實M期都已經準返。
去到上年8月ge時候, 發生左d事, 令到我好想好想有自己ge BB。於是, 我好曳地不設房。點知話咁快就BINGO左了!! 諗返起去到懷孕第5週ge時候, o個時我仲未知道有左。但我開始有d反應, 飲凍飲會覺得下腹有D陰陰痛, 但好快就唔痛, 返工追車跑完又會有少少痛, 食左韮菜之後有作嘔嘅感覺, 再加上本來已經tune返準時到ge M期, 遲左…遲左…遲左。於是, 同家姐講, 家姐俾左支棒仔我check~好好笑~支棒仔就快到期~~係…爭幾日就過期~check完冇料到…但係心有不甘, 我覺得好似!! 之後再等多2日, 買過支全新嘅棒仔~有排都未過期~~懷住興奮又緊張嘅心情去尿尿~~嘩嘩嘩~~第一條線好快出現, 第二條線..勁慢勁慢..仲要若隱若現!! 差d o係廁所到大嗌出黎~勁興奮!! 係兩條線呀!! 只係第二條線淺色d!! 朋友話, 淺色d ge原因, 係因為懷孕太初期啦, 所以會咁!!
即刻打開廁所門同老公講, 中左中左!! 我真係有左, 點知睇梗電視嘅老公出奇地冷靜, 冇晒表情…呢一刻我覺得我老公其實係咪唔想要? 點知隔左差唔多一個鐘, 原來老公係擔心梗「錢」。佢都好開心嘅, 但一時之間反應唔切
第二日, 好興奮!! 即刻同同事講定, 因為要o係辦公時間落去公司診所到再驗一次, confirm一下係咪真係bingo~真ge!!真係中左~~~醫生仲嗌我快d決定去邊間醫院到生, 快快去排期添呀~~夜晚我即刻同老公講, 我要決定去QE生, 因為其實唔理我老公嘅想法~~我覺得屯門醫院太恐怖~~加上會去娘家坐月, 所以去QE生都好似好合理 最初其實有考慮廣華定QE,
但最終都係揀左QE~因為QE好彩如果有期的話,
係可以照結橘~慳返幾千蚊~
最初其實有考慮廣華定QE,
但最終都係揀左QE~因為QE好彩如果有期的話,
係可以照結橘~慳返幾千蚊~
除左去政府醫院排隊之外, 好多朋友都話最好去埋私家都兩邊CHECK住BB嘅情況, 所以我就搵多個私家去CHECK住~其實每次去私家, 我地2公婆都好開心好興奮~因為每次都可以見到BB, 每次去都有唔同~~由初初一粒閃閃下嘅豆豆, 變到睇得出人形, 有手有腳, 望到有手指, 肚dom仔~個感覺真係好奇妙~
體重方面, 我就冇乜點樣增長到, 終極到生為止其實我只係重左10磅 左右je, 至於個腰圍去到生o個陣, 足足粗左13吋!!個肚仲要又圓又長呀~~~打橫睇成個飛機欖咁~
成個孕期, 最開心係!! 老公將我當公主般呵護~上車落車都會參扶我, 冇BB o個時點會丫…一落車佢望都唔望下我就自己行左去啦…理得我行去邊丫。夜晚大肚婆最興抽筋, 當然我都走唔甩…明明佢好難會扎醒ge人, 聽到我慘叫”老公, 抽筋呀, 好痛呀!!”佢就會即刻醒~而家…阿女喊到拆左天, 佢一d要起身了解下ge意識都冇…除左咁, 每次我話唔舒服, 本身要出街佢都會唔強迫我, 俾我o係屋企好好休息, 每餐想食乜都係我話事~總之無比溫暖同溫韾呀~
呢269天, 我真係…I’m the Queen of the
world. 但而家我只係一個奶媽
& 一個奴隸。
除左咁, 我最懷念嘅係BB去到19週開始, 我有種好夢幻輕輕力嘅胎動!! 諗返起, 都好開心, 好振奮!! 每次我同朋友傾計, 阿女都好似想傾埋一份咁, o係入面郁~~
至於飲食方面, 好得意!! 悠悠B 係一粒豆o個時, 已經幫我戒左一日一杯咖啡。 未有B之前, 我係要一日飲一杯, 如果唔係我會唔知自己做梗乜ga~一有左就開始唔鍾意飲, 唔想飲。另外就係, 我其實只係戒左d生冷食物, 同埋唔適合孕婦食嘅野食, 同埋我最鍾意嘅蟹.. 其餘我乜都冇戒, 辣、煎炸、薯片我都照食!! 所以…亦可能因為我咁鬼毒, 我死唔信邪, 所以悠悠B有濕疹…所以, 都係奉勸各位準媽媽, 都係迷信d乖乖地唔好食呢d咁毒嘅野食啦, 清淡d啦~
幸好, 我就冇孕吐, 流啡呢d情況, 真係感謝神! 因為我陀得真係好舒服!! 仲一路都好輕盈, 睇個背脊完全唔似大肚婆 (所以擔車成日被人撞!!), 去到37週開始就行唔郁…直情膝頭都痛啦!! 可能太瘦吧…朋友成日笑我, 一對筷子篤住個波咁, 食肥d啦!!
最難忘嘅事, 大肚照, 好感謝esdlife俾個機會我一齊影大肚照~超開心, 除左免費之外, 就係識到一班準媽媽, 可以互相交流陀B心得, 到而家就係大談媽媽經~希望esdlife會繼續有類似活動, 同埋伸延落去, 俾我地ge BB一齊再參與~
269天, 話長唔算長, 話短又唔算短~總之呢段時間, 我係好開心, 95%時間都係好開心, 只有5%係嬲嬲豬~唔知係咪因為咁, 所以悠悠B好鍾意笑, 好樂天。希望各位準媽媽, 要記住時刻放鬆心情, 開開心心, 掛心嘅事粗重嘅事留俾老公啦~準媽媽嘅情緒真係好重要, 要好好享受整個孕期哦~!! 我覺得最艱難嘅時間, 就係最頭o個3個月, 因為老人家成日話BB小器, 要忍口唔好同人講。不過o係呢一part, 我係西人!! 我覺得開心野唔怕講, 如果BB不幸小產, 都係因為BB發育得唔健全, 所以佢先會自然流產je, 有d文章都有講過, 所以我並唔擔心。亦一早公告左俾公司自己部門同事知, 等佢地安排合適我ge工作俾我, 唔好俾粗活我做~
懷孕, 相信好多人都會諗起…「生仔好痛!!」、「十級m痛」、「好驚!!」、「唔想被人剪」。其實唔知點解, 我陀住o個時都冇諗, 都係抱住順其自然嘅心態。係直至, 準備放產假, 個肚大過籃球o個時, 成日肚實實o個排, 我開始有少少淆底~但係, 呢種淆底感覺又好快冇~去到醫院等生o個2日, 我直情覺得, 點解咁耐都唔出黎…好悶呀!! 坐監咁…到穿水o個刻~!! 「嘩~!! 媽咪!! 發生乜事?! 我要點樣做呀?! Help help!!」其實你問我生仔痛唔痛, 我覺得唔痛架, 到而家我都只係覺得我好滑稽, 因為我催生o個十凌個鐘, 我都係咁典床典蓆, 話好急屎好想柯je! 又唔係痛, 係有d唔耐煩好攰, 就黎柯得出, 但唔准柯~好難以形容o個種感覺!! 不過人一世物一世, 生仔呢d經歷, 我都覺得要經歷下ge, 唔親身經歷過, 係唔知自己媽媽幾咁偉大!! 當然啦, 做父母前真係要好好考慮清楚, 因為責任好大! 同養小動物一樣咁大!
祝各位準媽媽, 順利生產, 開開心心!! 好好享受孕期~
留言
發佈留言