【北上親子遊】玩轉三層樓嘅室內大型Playhouse|玩足一日x超放電
今次再北上玩，都係去咗室內嘅兒童遊樂場玩！真心誇張，足足有三層，三層都有唔同嘅玩樂專區同設施，有動又有靜，不論係男孩、女孩都會好鍾意，入面仲有埋餐廳、洗手間，真係玩足一日都得呀！ 我哋今次都係去咗meland玩，今次係Meland Club即係佢哋嘅旗艦店，所以比起我上一次介紹嘅分店更加之大，呢到足足有6千平方米！家長們要做定心理準備，保持好體力、逗留喺playhouse差唔多一日嘅心先出發呀(哈)! 網上優惠低至$311起(1大1小) https://hk.trip.com/travel-guide/attraction/shenzhen/city-133541564 ?Allianceid=3877272&SID=22746045 入面有好多嘢玩，大型迷宮陣、滑梯、三層樓高水管滑梯、大型波波池海、玩水STEM區、木砂池、籃球投籃區、仿真超市區、仿真廚房區、仿真獸醫醫生區、兩三層高攀石、騎馬仔機、小小工程師區、角色扮演服、積木牆、圖書區、公主化妝區(付費)等。 玩水STEM遊戲區，此區超細心，仲未提供大人小朋友拖鞋，小朋友仲可以穿上圍裙，以免沾濕。 木砂池區，入面有大量玩樂工具。 三層樓高水管滑梯，超刺激！小朋友玩嘅時候，仲需要戴上頭盔及保護裝備。 大型波波池海 仿真超市區、仿真廚房區、仿真獸醫醫生區 騎馬仔機，免費玩！ 小小工程師區 大型迷宮陣，迷宮陣入面仲未好多玩樂設施，例如大喇叭滑梯。 兩三層高攀石，進行遊戲時需佩戴頭盔及穿上安全帶，並有專人照顧。 圖書角，入面好多圖書呢。 仲未積木牆 仲有車仔 免費玩嘅電子射水遊戲 充氣彈床 籃球投籃區 公主化妝區(付費) 當日我哋係假日去，人流都比較多。 除咗玩樂設施，仲有不同嘅節目會於舞台進行。節目都好精彩，例如: 科學實驗Show為小朋友介紹空氣炮、魔術表演等。 餐廳部分，座位都係自行安排，點餐只需掃碼點餐。職員稍後就會送上食物，至於餐具的話，可於餐廳內自取。價錢都合理，食物質素都唔錯。 餐廳入面仲有小朋友放電、走動空間，真係每一個空間，都能放電呀！ 進入遊樂場前，記得穿著防滑襪，如沒有防滑襪場地都能即時購買。同時入場前，可以使用免費儲物櫃存放行李。我建議㩦帶小朋友水樽入場，方便隨時飲水補充。如果水已飲完，餐廳入面有提供免費水機，可以自行添水。 同時要注意嘅係，入場後只能離場15分鐘。 ^ 場內洗手間，都超級