2017年12月11日 星期一

成為媽媽之後,伴隨著長期靜音的手機

當我生咗和牛B之後,我部手機長期都係處於「靜音」狀態。部電話嘅鈴聲到底係點樣嘅呢? 我已經完全忘記咗,但行出街聽到有電話鈴聲就會馬上神經質,睇下係咪自己響。但,我部手機早已俾我毒啞咗,長期靜音mode。

身邊總有人會話我,成日打俾你都唔聽電話,通常鬧得最多o個個一定係我老公。
仲話「搵你救命就死得啦」。冇錯,叫救命嘅,你不如直接打999啦,咁會最好效率。

旁人一定唔會明點解我要教靜音,返工就話唔好騷擾到同事啫,平時都靜音部電話唔響有乜意思。但作為一個媽媽,我最驚電話喺唔適當嘅時候響起。


做媽媽真係好忙,照顧初生o個陣根本冇停手,換片、餵奶、泵奶,到BB瞓咗覺都仲有家務要做,做完淨返落嚟嘅時間先係媽媽嘅自由時間/ 休息時間。如果就喺呢個時候,手機響起,對一個媽媽嚟講揀直就係大懲罰。因為BB驚醒咗嘅話,又要唔知花幾多時間先可以成功哄睡/ 到下一輪睡覺時間。

所以由和牛B一出世之後,我就將部電話直接調教至靜音功能。
日子耐咗,我都習慣咗一部唔響嘅手機。

加上我頻密嘅影相習慣,就更加唔想影一張相響一下,有聲嘅話咁咪會俾人知,我瘋狂得好緊要? 

            
--------------------------------------------------


姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

20161005_creativity01

2017年12月7日 星期四

【聖誕DIY】自己動手做小寶寶專屬的聖誕裝飾

話咁快又到十二月,十二月大家都一定好忙,好忙咁買聖誕禮物、好忙咁佈置聖誕樹、工作都好忙。

今年因為我哋準備要搬,所以屋企無乜氣氛,聖誕樹又掉咗,上年用過嘅聖誕裝飾又Pack晒入箱,所以我屋企真係冇乜氣氛嘅。雖然佈置唔到屋企,但我仲可以幫手佈置娘家、同埋公司。

我發現當我生咗和牛B之後,屋企溫暖咗好多、氣氛融洽咗好多。因為屋企多咗好多家庭相,笑聲又多咗。

今年我決定搞搞新意思,自己動手整聖誕裝飾品。材料工具都好簡單,都係剪紙、拼貼。

而今次教大家做嘅小手工,可以一物多用,可以掛喺聖誕樹、掛牌、吊旗,仲可以當小小心意咭送俾朋友。


準備工具:
1.打印好嘅人物
2.厚咭紙/ 紙皮
3.金粉膠水
4.打窿機
5.交剪
6.線/ 繩/ 絲帶
7.雙面膠紙
8.博士貼/ 封箱膠紙 - 作為(1)嘅保護面

做法 :
1. 首先將自己完成好嘅人物圖案印出嚟,再用封箱膠紙/ 博士貼貼於表面作一層保護。
2. 然後修剪好形狀,再利用雙面膠紙貼於厚咭紙/ 紙皮上面。再剪/ 界出嚟。


▲ 然後利用打窿機喺頂部位置打個窿。

▲ 再穿上繩/線/絲帶,長度可隨自己喜好而家。

▲ 完成啦

見到咁多個和牛B,覺得好興奮,佢哋好似開Party咁。

可以將佢哋掛起,一樣好開心。

掛上聖誕樹都一樣好有氣氛。

**小貼士**
喺製作上點解我用雙面膠紙而唔用膠水/ 漿糊筆呢? 原來係因為漿糊筆黏力未必夠好,而用膠水嘅話好容易會令到人物圖案嘅紙出現起泡/ 皺嘅情況。

至於保護膠貼方面,其實係可以過膠都得嘅,但如果屋企無過膠機,要拎出去俾人過膠嘅話,過一張嘅價錢都唔平呢。

設計圖方面,我自己係用Photoshop去製作嘅,如果大家冇Photoshop,大家可以Download下面呢個Apps,之後Save低再打印出嚟。不過就冇咁Q版~但都可以有自己想要嘅圖像。

            
--------------------------------------------------


姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

20161005_creativity01

2017年12月5日 星期二

【聖誕親子限定活動】I ♥ Kitchen x Donut & Ah Meow手工糖霜曲奇工作坊

上個禮拜日同和牛B去咗I Love Kitchen (我愛廚房),參加Donut & Ah Meow手工糖霜曲奇工作坊,今次係I Love Kitchen第一次與Donut & Ah Meow合作嘅聖誕限定活動嚟嘅。
(活動由12月2日至12月24日**逢星期六、日)。

 

我好鍾意整甜品同埋鍾意食,而和牛B都同我一樣!


專心嘅和牛B

I Love Kitchen嘅地點好方便,位於尖沙咀嘅K11商場入面。

大會會提供圍裙,亦提供食譜及Donut & Ah Meow嘅精美Newsletter,入面嘅內容好豐富呢!

 

小朋友仲會獲得一個Donut & Ah Meow嘅襟章。


活動會分為兩種,內容相當豐富呀!時間大約1小時15分鐘左右,首先導先會講解製作方法,而今次製作嘅曲奇係草莓朱古力味


然後會派發導師預先焗好及描繪了線條的曲奇餅俾大家加上糖霜。

 

糖霜亦由導師預先做好,方便大家上色用,真係非常窩心呢!


由於我嘅強迫症,我唔係好敢放手俾和牛B利用糖霜去裝飾,所以大部份都係我負責做嘅。


最後,嘗試了放手,俾佢裝飾咗左少少。


塗滿糖霜之後,放埋一邊待風乾就可以了。

 

活動的第二節,導師會每人派一舊麵團、Donut & Ah Meow嘅曲奇模及工具俾我哋落手去整曲奇。

 

和牛B當佢哋係泥膠咁,我再教佢利用木棍將麵團碌平。


然後再利用曲奇模去造型。


最後我哋做咗7塊曲奇。


助手幫忙放入焗爐焗,大概十五分鐘左右曲奇就焗好了,草莓朱古力味嘅曲奇真係好香好好味呀

 

完成曲奇後,有糖霜裝飾嘅曲奇亦都已經風乾了。


今個聖誕節,我可以再同和牛B做啲小曲奇送俾朋友做小禮物。




出席活動亦會送上小禮物,Donut & Ah Meow襟章及曲奇模一對。

I ♥ Kitchen x Donut & Ah Meow
活動期間:活動由12月2日至12月24日(**逢星期六、日)
活動時段:下午1:00 2:15, 2:30-3:45, 4:00-5:45, 5:30-6:45
活動地點:尖沙咀河內道18K11藝術商場地庫1B106號舖
曲奇餅數量:共6 (2件即場使用糖霜繪畫)
每堂名額:10個(成人 和 1 x 3-8歳小童)
費用:$238
            
--------------------------------------------------


姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

20161005_creativity01